سياسة الخصوصية

آخر تحديث: 24 أكتوبر 2026

Nerdly منصة مذاكرة لطلبة التمريض والطب. الصفحة دي بتوضح البيانات اللي بنجمعها، وبنستخدمها في إيه.

البيانات اللي بنجمعها

اسمك، وإيميلك، ورقم موبايلك اللي بتكتبهم وإنت بتسجل. ولو دخلت بحساب جوجل، بناخد من جوجل اسمك وإيميلك بس.
الملفات اللي بترفعها، والامتحانات اللي بتتعمل منها، وإجاباتك ونتايجك، والرسايل اللي بتبعتها لدكتور نيرد.
بيانات الاشتراك والدفع اللي بتكتبها، زي رقم عملية التحويل.

بنستخدمها في إيه

عشان نشغّل الخدمة: نعمل الامتحانات، ونشرح الأسئلة، ونحسب نتايجك ونحلل مستواك.
عشان نفعّل اشتراكك ونتواصل معاك بخصوصه.
عشان نبعتلك عروض وتحديثات على واتساب أو الإيميل، لو وافقت على كده وإنت بتسجل. وتقدر توقف ده في أي وقت لما تبعتلنا.

مين بيشوف بياناتك

إحنا مش بنبيع بياناتك لحد. وعشان نقدم الخدمة، محتوى الملفات والأسئلة والرسايل بيتبعت لمزودي الذكاء الاصطناعي اللي بنستخدمهم (زي Anthropic وGoogle وOpenAI لشرح الأسئلة وعمل الامتحانات، وElevenLabs وغيرها للصوت، حسب الخدمة المفعّلة وقتها) عشان يتعالج بس، والبيانات محفوظة على سيرفراتنا. ومش بنستخدم بيانات حساب جوجل في أي حاجة غير تسجيل الدخول.

مسح بياناتك

لو عايز نمسح حسابك وبياناتك، ابعتلنا على 1medicalking@gmail.com، وهنمسحها.